懂 與 不 懂

跟 老 友 茶 聚 ， 老 友 重 提 一 宗 「 舊 新 聞 」 。

老 友 ： 「 丫 ， 你 知 唔 知 早 輪 “ X00 ” 比 人 訪 問 單 野 ？ 」

淏 楊 ： 「 佢 成 日 都 上 電 視 接 受 訪 問 喇 ， 有 乜 出 奇 ？ 」

老 友 ： 「 唔 係 電 視 呀 ， 係 報 紙 ．．．．．． 聽 講 你 地 又 有 行 家 笑 佢 喎 。 」

淏 楊 ： 「 下 ？ 又 有 咩 ？ 無 理 江 湖 事 好 耐 ， 唔 知 邊 單 喎 ．．．．．． 」

老 友 ： 「 賣 車 牌 果 單 呀 ； 聽 聞 有 人 向 運 輸 署 申 請 ， 將 一 個 車 牌 “ 94382761 ” ， 要 求 拍 賣 ， 後 尾 賣 左 幾 萬 銀 ．．．．．． 記 者 訪 問 X00 ， 佢 o既 答 案 據 聞 你 班 行 家 有 好 多 笑 到 牙 骹 出 事 ， 要 睇 醫 生 喎 ．．．．．． 」

淏 楊 ： 「 嘩 ！ 呢 單 野 ， 上 世 紀 咁 耐 喇 ， 你 依 家 先 至 來 問 ？ 」

老 友 ： 「 唔 係 ， 不 過 想 八 下 ， 點 解 咁 好 笑 o者 ．．．．．． 」

淏 楊 ： 「 好 唔 好 笑 就 見 人 見 智 ， 不 過 佢 個 答 案 又 真 係 唔 入 流 就 真 ．．．．．． 」

老 友 ： 「 點 唔 入 流 法 ？ 」

淏 楊 ： 「 我 都 係 睇 報 紙 ， 報 紙 上 ， 佢 o既 答 案 大 概 係 話 ： 『 “ 94382761 ” 在 玄 學 上 ， 其 實 係 分 左 四 組 數 ： “ 94 ” 、 “ 38 ” 、 “ 27 ” 、 “ 61 ” ， 分 別 代 表 「 四 九 先 天 金 」 、 「 三 八 先 天 木 」 、 「 二 七 先 天 火 」 、 「 六 一 先 天 水 」 ， 即 係 五 行 中 o既 “ 金 、 木 、 火 、 水 ” ， 不 過 呢 就 缺 左 “ 土 ” ， 所 以 呢 個 車 牌 代 表 o既 五 行 就 不 全 ， 唔 係 完 美 ．．．．．． 』 ， 大 概 係 咁 上 下 意 思 喇 ．．．．．． 」

老 友 ： 「 唔 o岩 咩 ？ 有 乜 咁 好 笑 呢 ？ 唔 係 好 明 ．．．．．． 」

淏 楊 ： 「 梗 係 唔 o岩 喇 ．．．．．． 只 要 係 對 風 水 學 理 認 知 夠 深 的 人 ， 都 知 道 “ 94382761 ” 係 有 特 別 意 義 ， 根 本 就 唔 係 咁 解 ．．．．．． 」

老 友 ： 「 有 乜 玄 機 呢 ？ 」

淏 楊 ： 「 呢 組 數 o既 排 序 ， 其 實 係 來 自 “ 後 天 數 配 先 天 卦 配 後 天 方 位 ” ， 而 “ 9438 ” 係 兩 儀 中 的 “ 陽 儀 ” ， 代 表 左 “ 乾 、 兌 、 離 、 震 四 個 卦 ； ” 2761 “ 就 係 ” 陰 儀 “ ， 代 表 左 巽 、 坎 、 艮 、 坤 四 個 卦 ， 即 係 我 地 成 日 講 o既 ” 天 澤 火 雷 風 水 山 地 “ ； 所 以 只 要 你 係 睇 三 元 風 水 羅 盤 ， 就 會 見 到 其 中 有 一 排 數 目 字 ， 由 正 南 離 卦 正 中 分 ， 陽 儀 就 會 見 ” 94382761 “ 逆 時 針 排 ， 而 陰 儀 就 會 見 ” 94382761 “ 順 時 針 排 ， 每 邊 四 組 合 成 一 個 圓 ．．．．．． 」

老 友 ： 「 嘩 ！ 聽 落 好 複 雜 喎 ．．．．．． 」

淏 楊 ： 「 車 ， 有 幾 複 雜 ？ 都 話 係 入 門 野 ．．．．．． 如 果 我 一 畫 出 來 ， 包 你 一 睇 就 明 ．．．．．． 」

老 友 ： 「 你 畫 出 來 我 明 唔 明 就 唔 知 ， 但 我 就 知 道 一 樣 野 ．．．．．． 」

淏 楊 ： 「 知 乜 野 ？ 」

老 友 ： 「 江 湖 傳 聞 ， 有 所 謂 “ 執 業 風 水 師 ” ， 原 來 唔 係 咁 識 風 水 ， 看 來 都 唔 係 “ 空 穴 來 風 ” 。 」

淏 楊 ： 「 你 依 家 先 至 知 ？ 咁 就 到 我 唔 明 喇 ．．．．．． 」

老 友 ： 「 你 又 有 唔 明 ？ 你 唔 明 乜 野 ？ 」

淏 楊 ： 「 你 自 己 諗 喇 ．．．．．． 」