好 邪 門?

「 嘩 ! 師 傅 , 點 解 唔 叫 個 褔 主 搬 ? 」 在 跟 我 為 客 人 覆 過 流 年 佈 局 後 , 學 生 甲 問 道 。

「 點 解 要 搬 ? 」

「 間 屋 對 正 個 墳 場 , 唔 會 好 邪 咩 ? 」

「 有 幾 邪 ? 」

「 話 晒 係 “ 果 味 野 ” 住 的 地 方 喎 ...... 」

「 難 為 你 仲 話 學 風 水 , 【 風 水 不 論 鬼 神 】 , 唔 通 你 無 聽 過 ? 」

「 係 o者 , 唔 多 唔 少 都 有 心 理 影 響 呱 ? 」

「 咁 心 理 上 就 梗 有 多 少 , 不 過 在 實 際 的 風 水 運 作 上 就 無 。 除 非 真 係 近 到 打 開 個 窗 就 跳 到 過 去 ...... 」

「 唔 怕 太 多 陰 氣 咩 ? 」

「 咁 我 問 返 你 , 你 府 上 隔 離 係 咩 ? 」

「 左 手 邊 定 右 手 邊 ? 」

「 o拿 , 你 都 識 咁 問 。 你 住 的 地 方 , 下 面 就 係 醫 院 , 對 面 就 係 差 館 , 咁 你 住 得 平 唔 平 安 ? 」

「 有 師 傅 你 睇 住 , 托 賴 喇 , 生 意 順 境 、 投 資 又 有 多 少 、 層 樓 自 己 都 升 水 ...... 健 康 上 又 無 穿 無 爛 ...... 」

「 咁 梗 係 喇 , 你 果 度 算 係 市 區 豪 宅 嘛 ...... 你 記 唔 記 得 當 日 睇 樓 時 係 點 ? 」

「 記 得 , 我 話 又 醫 院 又 【 差 館 】 , 會 唔 會 有 病 氣 又 有 煞 氣 、 算 唔 算 犯 【 巒 頭 煞 】 ? 你 話 唔 會 丫 嘛 ...... 不 過 你 無 解 釋 過 喎 ...... 」

「 咁 你 學 咁 耐 風 水 , 巒 頭 係 指 【 龍 、 砂 、 向 、 水 】 定 講 【 意 境 】 ? 醫 院 同 警 署 算 係 邊 樣 ? 」

「 樣 樣 都 唔 係 , 你 話 最 主 要 睇 返 所 對 住 境 物 的 巒 頭 環 境 嘛 , 建 築 物 本 身 係 咩 用 途 , 與 巒 頭 無 關 ...... 」

「 咁 咪 係 囉 , 墳 場 又 點 ? 形 巒 上 又 唔 係 有 煞 、 距 離 唔 係 咁 近 , 咁 只 要 心 理 上 唔 “ 形 ” 住 , 根 本 就 唔 會 有 壞 影 響 ...... 你 睇 返 投 先 果 家 人 就 知 喇 ...... 」

「 咁 d 人 成 日 講 “ 陰 氣 ” 、 “ 煞 氣 ” 、 “ 病 氣 ” 係 咩 東 東 ? ? 」

「 呢 d 氣 質 , 唔 係 由 單 一 建 築 物 的 用 途 來 決 定 , 而 係 由 觀 察 整 體 全 盤 的 形 勢 分 佈 之 後 決 定 ; 例 如 : 你 住 的 層 數 太 低 , 又 或 者 低 漥 地 ; 而 外 巒 四 方 的 建 築 物 或 者 樹 木 之 類 , 叢 密 且 遮 蔽 到 所 有 自 然 光 都 透 唔 入 , 好 多 人 就 話 「 有 陰 氣 」 。 但 如 果 一 般 住 宅 , 房 間 與 廳 堂 的 分 配 比 例 唔 恰 當 , 都 係 “ 陰 氣 ” 的 一 種 。 」

「 o下 ? 咁 煞 氣 呢 ...... 」

「 煞 氣 就 係 流 年 煞 星 所 到 的 方 位 , 例 如 : 今 年 的 東 北 方 , 為 五 黃 所 在 ; 另 外 , 巒 頭 上 的 形 煞 , 亦 係 ” 煞 氣 “ 。 」

「 哦 , 咁 病 氣 呢 ? 」

「 粗 淺 來 講 , 病 星 所 到 之 方 咪 有 病 氣 囉 ...... 例 如 今 年 「 二 黑 居 中 」 , 病 星 入 中 宮 , 明 年 就 「 二 黑 到 乾 」 , 於 是 病 星 到 西 北 ...... 至 於 深 入 論 斷 , 就 複 雜 好 多 , 不 過 只 要 留 意 呢 d 流 年 飛 星 的 飛 佈 , 都 可 以 大 概 知 道 多 少 ...... 」

「 哦 , 咁 我 知 住 咁 多 先 , 今 日 無 帶 紙 同 筆 , 怕 你 講 太 多 我 記 唔 晒 ...... 」

「 咁 你 上 堂 就 留 心 聽 書 喇 ...... 次 次 都 “ 人 講 你 就 訓 , 訓 醒 你 就 問 ” , 上 我 堂 好 悶 ? 」

「 o騎 o騎 , 師 傅 睇 開 d , 近 來 外 母 在 加 拿 大 返 來 小 住 , 話 果 邊 無 人 陪 打 牌 , 返 到 來 要 過 足 癮 , 晚 晚 捉 住 要 開 檯 ...... 話 時 話 , 有 無 辦 法 ...... 化 化 煞 , 等 佢 快 d 返 去 ? 」

「 o下 ? ...... 」